انواع كريم الاساس ؟
زى ما انتم
عارفين بنستعمل كريم الأساس قبل وضع الماكياج عشان يخفى بعض العيوب فى
البشرة ، و فى بنات بتستعمله عشان يدى نضارة وإشراقة محببة طبيعية لبشرتها
أو لتنعيمها او عشان تضمن ثبات المكياج لفترة أطول.
طيب ايه هى انواع كريم الاساس ؟
1- كريم أساس كريمي:
ممتاز لذوى
البشرة الجافة، معروف بتغطيته القوية والثابتة، و اللى عندهم البشرة
الجافة جداً، أو الجافة شوية، والبشرة المختلطة ممكن استخدام النوع ده من
كريمات الأساس لحتوائه على مواد مطرية للبشرة. النوع المضغوط من كريمات
الأساس الكريمية واللى بيجى على شكل بودرة مضغوطة، ممكن استخدامه لجميع
أنواع البشرة.
2 -كريم الأساس Stick:
تغطية كاملة، مناسب لذوى البشرة الدهنية. غير مناسب لذوات البشرة الجافة لأنه بيجفف البشرة، يخفي الحبوب والجروح بشكل كامل.
3- كريم الأساس المضاد للماء:
مناسبة للأجواء الرطبة والحارة، ومناسبة للسباحة في البحر… مش بيتمسح و بيغطي البشرة بشكل كويس
4- كريمات الأساس المعدنية:
النوع ده بيستخدم معادن طبيعية مرخصة طبياً، وممكن استخدامها فوق الحبوب والجروح بأمان وبضمان عدم الالتهاب
5- كريمات الأساس السبراي:
نوع تانى من كريمات الأساس المرخصة طبياً، واللى بتخفي عيوب البشرة بشكل كامل زى الجروح والحبوب وحب الشباب بدون التهابها.
ملحوظة : لمعرفة الاسعار كل المنتجات دى موجودة فى محلات المكياج Mazaya, Fortune, Faces و في الصيدليات الكبيرة و كمان ممكن تشتريها من على الانترنت او من صفحات المكياج على الفيسبوك.